دنیاپور: ٹیچر کی میٹرک کی طالبہ سے مبینہ زیادتی، مقدمہ درج

دنیاپور: ٹیچر کی میٹرک کی طالبہ سے مبینہ زیادتی، مقدمہ درج

دنیاپور میں ٹیچر کی شادی شدہ میٹرک کی طالبہ سے مبینہ زیادتی کے الزام میں مقدمہ درج کرلیا گیا۔

دنیا نیوز کے مطابق ایف آئی آر کے متن میں الزام عائد کیا گیا ہے کہ طالبہ ٹیوشن کے لیے ٹیچر کے گھر گئی، جہاں ملزم نے مبینہ طور پر اس کی تصاویر اور ویڈیوز بنا کر اسے بلیک میل کیا۔

ایف آئی آر کے مطابق تقریباً ڈیڑھ ماہ قبل طالبہ دوبارہ ٹیوشن کے لیے ٹیچر کے گھر گئی تو ملزم نے مبینہ طور پر گن پوائنٹ پر زیادتی کی۔

پولیس کے مطابق طالبہ نے مبینہ بلیک میلنگ سے تنگ آکر واقعے کے بارے میں اپنے شوہر کو بتایا، جس کے بعد متاثرہ طالبہ کے سسر کی مدعیت میں مقدمہ درج کیا گیا۔

پولیس کا کہنا ہے کہ مقدمے میں نامزد ملزم زاہد واقعے کے بعد فرار ہوگیا، جس کی گرفتاری کے لیے چھاپے مارے جا رہے ہیں۔

واقعے کی مزید تفتیش جاری ہے، جبکہ مقدمے میں عائد الزامات کی قانونی کارروائی اور تحقیقات کے بعد ہی حتمی صورتحال سامنے آئے گی۔