Wednesday, October 28, 2026

FB

غزل

کسی کی آنکھ سے سپنے چرا کر کچھ نہیں ملتا

وصی شاہ

کسی کی آنکھ سے سپنے چرا کر کچھ نہیں ملتا

منڈیروں سے چراغوں کو بجھا کر کچھ نہیں ملتا

ہماری سوچ کی پرواز کو روکے نہیں کوئی

نئے افلاک پہ پہرے بٹھا کر کچھ نہیں ملتا

کوئی اک آدھ سپنا ہو تو پھر اچھا بھی لگتا ہے

ہزاروں خواب آنکھوں میں سجا کر کچھ نہیں ملتا

سکوں ان کو نہیں ملتا کبھی پردیس جا کر بھی

جنہیں اپنے وطن سے دل لگا کر کچھ نہیں ملتا

اسے کہنا کہ پلکوں پر نہ ٹانکے خواب کی جھالر

سمندر کے کنارے گھر بنا کر کچھ نہیں ملتا

یہ اچھا ہے کہ آپس کے بھرم نہ ٹوٹنے پائیں

کبھی بھی دوستوں کو آزما کر کچھ نہیں ملتا

نہ جانے کون سے جذبے کی یوں تسکین کرتا ہوں

بظاہر تو تمہارے خط جلا کر کچھ نہیں ملتا

فقط تم سے ہی کرتا ہوں میں ساری راز کی باتیں

ہر اک کو داستان دل سنا کر کچھ نہیں ملتا

عمل کی سوکھتی رگ میں ذرا سا خون شامل کر

مرے ہمدم فقط باتیں بنا کر کچھ نہیں ملتا

اسے میں پیار کرتا ہوں تو مجھ کو چین آتا ہے

وہ کہتا ہے اسے مجھ کو ستا کر کچھ نہیں ملتا

مجھے اکثر ستاروں سے یہی آواز آتی ہے

کسی کے ہجر میں نیندیں گنوا کر کچھ نہیں ملتا

جگر ہو جائے گا چھلنی یہ آنکھیں خون روئیں گی

وصیؔ بے فیض لوگوں سے نبھا کر کچھ نہیں ملتا

35 ویوز 12 Sep 2026 غزل

وصی شاہ کی مزید شاعری

یہ جو چہرے سے تمہیں لگتے ہیں بیمار سے ہم

یہ جو چہرے سے تمہیں لگتے ہیں بیمار سے ہم
خوب روئے ہیں لپٹ کر در و دیوار سے ہم
یار کی آنکھ میں نفرت نے ہمیں مار دیا

گنگناتے ہوئے آنچل کی ہوا دے مجھ کو

گنگناتے ہوئے آنچل کی ہوا دے مجھ کو
انگلیاں پھیر کے بالوں میں سلا دے مجھ کو
جس طرح فالتو گلدان پڑے رہتے ہیں

دل ہوش سے بیگانہ بیگانے کو کیا کہئے

دل ہوش سے بیگانہ بیگانے کو کیا کہئے
چپ رہنا ہی بہتر ہے دیوانے کو کیا کہئے
کچھ بھی تو نہیں دیکھا اور کوچ کی تیاری

مان لے اب بھی مری جان ادا درد نہ چن

مان لے اب بھی مری جان ادا درد نہ چن
کام آتی نہیں پھر کوئی دعا درد نہ چن
اور کچھ دیر میں مجھ کو چلے جانا ہوگا

کس قدر ظلم ڈھایا کرتے تھے

کس قدر ظلم ڈھایا کرتے تھے
یہ جو تم بھول جایا کرتے تھے
کس کا اب ہاتھ رکھ کے سینے پر

گلی میں درد کے پرزے تلاش کرتی تھی

گلی میں درد کے پرزے تلاش کرتی تھی
مرے خطوط کے ٹکڑے تلاش کرتی تھی
کہاں گئی وہ کنواری اداس بی آپا